:السلام عليكم:
إزاي أحط خلفية للفولدر؟ سؤال اتكرر كتير منذ صدور ويندوز XP ولحد الآن ...
الخاصية دي كانت موجودة في إصدارات الويندوز قبل XP في خصائص الفولدر بس اللي ناس كتير متعرفوش إن الخاصية دي ممكنه مع فولدرات الـXP بس بطريقة غير مباشرة وده الشرح:
الأول اتأكد إن كل ملفاتك ظاهرة يعني اظهر الملفات المخفية ( الـHidden) وطبعاً الطريقة سهلة ومعروفة من Folder options
دلوقتي افتح الفولدر اللي عايز تحطله خلفية وكليك يمين بالماوس في أي مكان فاضي فيه و Properties
من Properties اختار التاب Customize اللي آخر حاجة فيها (التالتة) اسمها Folder icons
دوس على الزرار Change Icon
هيظهرلك مجموعة من الأيكونات اختار منهم واحدة ودوس OK وبعدين Apply و OK
هيظهرلك كده ملف اسمه Desktop.ini أو Desktop لو انت مخفي الأمتدادات
شكله كده
افتحه بدبل كليك عشان يفتحه في الـ NotePad
هتلاقي مكتوب السطور دي
[.ShellClassInfo]
IconFile=%SystemRoot%\system32\SHELL32.dll
IconIndex=(Some number)
صورة للتوضيح
هتضيف انت السطور دي Copy و Paste
- اقتباس :
>> اسحب بالماوس من أول الكود من ناحية اليمين وحدده كله عشان تظبط معاك في النوتباد<<
[ExtShellFolderViews]
{BE098140-A513-11D0-A3A4-00C04FD706EC}={BE098140-A513-11D0-A3A4-00C04FD706EC}
[{BE098140-A513-11D0-A3A4-00C04FD706EC}]
IconArea_Image=C:\path\folder\background.jpg
يعني المنظر هيبقى كده
بس هنعدل تعديل بسيط في الكود في آخر سطر عشان تدل على مسار الصورة اللي هتبقى خلفية والعنوان أو المسار بتاعها بيبقى مكتوب في الـ Address bar فوق الأيكونات على طول
(عشان متلخبطش نفسك حط الصورة اللي عايزها خلفية في السي على طول يعني المسار هيبقى C:\picture.jpg مثلاً )
اعمل save للتغييرات دي واقفل ملف التكست
اعمل Refresh للفولدر (أو أخرج منه وادخله) هتلاقي الصورة اللي انت اخترتها بقت خلفية ومبروك
لو عايز ترجع الأيكون زي ماكانت مفيش مشكلة
Right click>>Properties>>Customize>>Change Icon>>Restore Defaults>>OK
وعلشان تمسح الخلفية اللي انت حطيتها امسح السطور اللي ضيفناها دي واعمل Save
أو امسح الملف اللي اسمه Desktop
أرجو أن يكون الموضوع قد أفاد الأعضاء
